Смяротны наезд на веласіпедыста ў Слуцкім раёне: узбуджана крымінальная справа

Галоўная

Узаемадзеянне са СМІ

Навіны

Смяротны наезд на веласіпедыста ў Слуцкім раёне: узбуджана крымінальная справа

16.01.2019

Слуцкім раённым аддзелам Следчага камітэта высвятляюцца абставіны дарожна-транспартнага здарэння, якое выклікала смерць веласіпедыста.

14 студзеня 2019 года каля 8 гадзін раніцы на 74-ым кіламетры аўтадарогі Р-91 «Асіповічы-Баранавічы» недалёка ад вёскі Жылін Брод Слуцкага раёна на абочыне праезнай часткі выяўлена цела 32-гадовага мясцовага жыхара з відавочнымі прыкметамі наезду аўтатранспартам.

Следчым з удзелам эксперта і супрацоўнікаў ДАІ праведзены агляд месца выпадку, зафіксаваны следавы малюнак, забраны аб'екты і іншыя рэчавыя доказы.

У рамках праведзеных супрацоўнікамі УУС Мінаблвыканкама аператыўна-вышуковых мерапрыемстваў вызначаны грузавы аўтамабіль Volvo і асоба, якая ім кіравала.

Па падазрэнні ва ўчыненні злачынства, прадугледжанага ч. 2 арт. 317 Крымінальнага кодэкса Рэспублікі Беларусь (парушэнне правіл дарожнага руху, якое выклікала па неасцярожнасці смерць чалавека) затрыманы 51-гадовы грамадзянін замежнай дзяржавы.

У рамках расследавання з удзелам затрыманага праводзяцца следчыя і працэсуальныя дзеянні, прызначаны аўтатэхнічная, трасалагічная і судова-медыцынская экспертызы, вытворчасць якіх даручана УДКСЭ па Мінскай вобласці.

Грамадзян, якія валодаюць якімі-небудзь звесткамі аб вышэйпаказаным здарэнні, запісамі відэарэгістратараў, просім звярнуцца ў Слуцкі РАСК па адрасе: г. Слуцк, вул. Уласаўца, 12, або па тэлефонах: 8 (044) 553-77-50, 8 (01795) 5-75-01.

Афіцыйны прадстаўнік УСК па Мінскай вобласці

Таццяна Беланог

Тэгі:

Дапамажыце следству